ಚಿತ್ತಪಟದಲಿ ಚೆಲುವೆಯೊಬ್ಬಳ ಚಿತ್ರಪಟ ನೆನೆಯುತ
ಜಂಟಿಯಾಗಿ ಯುಗಳಗೀತೆಯ ಯೋಚನೆಯಲಿ
ಒಂಟೆಯಂತೆ ಹಾದಿಯಲಿ ಊಹಲೋಕದ ಜೊತೆ ತೇಲುವಾಗ
ಒಂಟಿಯಾಗಿ ಎದುರು ಸಿಕ್ಕಳು ಅದೇ ಚೆಲುವೆ .....!!!
ಆಹಾ, ಅದೆಂತ ನಯನ, ನಯವಿನಯ
ಉದ್ದಜಡೆಯ, ಹೊಳೆವ ಮೂಗುತಿಯ ಹುಡುಗಿಯ ಕಂಡು
ಲೆಕ್ಕ ತಪ್ಪಿತು ಹೃದಯದ ಬಡಿತ..,
ಕಣ್ತುಂಬಿಕೊಳ್ಳಲು ಸಾಗರದೊಳಗಡಗಿದರೂ ಬೆವರುವಷ್ಟು ಹೆದರಿಕೆ....
ಹೇ ಬೆಡಗಿ, ....
ನಿನ್ನ ಸೌಂದರ್ಯಕ್ಕೆ ಏಕಗ್ರತೆಯಲಿ ಮಾರುಹೋದ ಆ ಗಳಿಗೆಯಲಿ
ನನ್ನ ಕೊಲ್ಲಲು ಗುಂಡಿಟ್ಟರೂ ನಾ ಅಲುಗಾಡದೆ
ನಿನ್ನನೇ ನೇರ ನೋಟದಿಂದ ಗಮನಿಸಿದಾಗ ತಿಳಿಯಿತು
ಪ್ರೀತಿಯ ಪಿಸ್ತೂಲಿನಿಂದ ಹೃದಯಕ್ಕೆ ಗುಂಡಿಟ್ಟ ಆಪ್ತಶತ್ರು ನೀನೆ.
No comments:
Post a Comment