ಪ್ರೇಮದ ಕಾದಂಬರಿ

 

ಬಹಿರಂಗ ಮೌನವಾದರೇನು ಅಂತರಂಗ ನಿನ್ನೆ ಬಯಸಿದೆ

ಕಂಡರು ಕಾಣದಂತೆ ನಿಂತರೂ ಮನ ಪೂರ್ತಿ ತುಂಬಿಹೆ

ಹಠಮಾಡದ  ಹೃದಯ ಪ್ರೀತಿಗಾಗಿ ಸ್ವಾರ್ಥಿ ಆಗಿದೆ

ಎಂದೂ ಬಯಸದ ಆಸೆ ಇಂದು ನನ್ನನು ಕಾಡಿದೆ... 

 

ನಲ್ಲೆ ಎದುರು ನಿಂತರೆ ಸ್ವರ್ಗವೇ ಈ ಧರೆ

ಎದುರು ಇಲ್ಲವಾದ ಕ್ಷಣ ಬದುಕು ಬಂಜರೆ

ಬದುಕಿನ ಪಯಣದಿ ಎಂದೆಂದೂ ಜೊತೆಗಿರೆ

ಪ್ರೀತಿಯ ಪುಟಗಳಲಿ ನನಗಾಗೆ ಉಳಿದಿರೆ... 

 

ಪ್ರಜ್ವಲಿಸುವ ಕಂಗಳ ಭೂಲೋಕ ಸುಂದರಿ
ಆ ಮಿಟುಕಿಸೊ ರೆಪ್ಪೆಗಳ ಮುಂದಿಲ್ಲ  ನವಿಲುಗರಿ 

ಬಣ್ಣಿಸಲಾಗದ ಬಂಗಾರದ ಹುಡುಗಿಯ ಪರಿ

ನಿನಗಾಗಿ ಬರೆದಿಹೆನು ಪ್ರೇಮದ ಕಾದಂಬರಿ...